Coimisiún um Athchóiriú an Dlí

Ár bhFoilseacháin

D’fhoilsigh an Coimisiún um Athchóiriú an Dlí breis agus 200 foilseachán tionscadail ina bhfuil tograí le haghaidh athchóiriú an dlí.

Rochtain ar Reachtaíocht

Gné ríthábhachtach d’obair an Choimisiúin is ea reachtaíocht a dhéanamh níos inrochtana don phobal. Táirgeann an Coimisiún roinnt bunachar sonraí éagsúil agus roinnt uirlisí éagsúla, agus coinníonn sé ar bun iad, chun é sin a éascú. Tá gach ceann díobh ar fáil saor in aisce ar líne.

Cé sinne

Comhlacht reachtúil neamhspleách a bunaíodh faoin Acht fán gCoimisiún um Athchóiriú an Dlí, 1975, is ea an Coimisiún um Athchóiriú an Dlí. Is é an ról atá againn an dlí a choimeád faoi bhreithniú agus athchóirithe a mholadh chun a chinntiú go bhfuil sé soiléir, nua-aimseartha agus cóir.

Tá sé mar aidhm againn an dlí a dhéanamh níos sothuigthe do chách, idir ghairmithe dlí, an lucht déanta beartas agus dhaoine den phobal, trí fhoilseacháin inrochtana, ábhair mhíniúcháin agus Achtanna athbhreithnithe.

Faigh tuilleadh faisnéise faoi na nithe a dhéanaimid

Athchóiriú an Dlí

Is iad na Cláir um Athchóiriú an Dlí de chuid an Choimisiúin an príomhbhunús ar a gcomhlíonann an Coimisiún an sainordú reachtúil atá air an dlí a choimeád faoi bhreithniú d’fhonn é a athchóiriú. Tá cúig Chlár um Athchóiriú an Dlí seolta ag an gCoimisiún ó bunaíodh ar dtús é. Ní mór don dá Theach den Oireachtas agus don Rialtas gach clár a cheadú.

Chun go n-éireoidh leis, ní mór d’athchóiriú dlí a bheith ina phróiseas ionchuimsitheach. Dá réir sin, tá ríthábhacht ag baint leis an bpróiseas comhairliúcháin maidir le hobair an Choimisiúin. Molaimid duit páirt a ghlacadh sa phróiseas um athchóiriú an dlí in Éirinn trí mholtaí nó barúlacha a chur in iúl dúinn maidir le haon tuarascálacha reatha nó aon pháipéir chomhairliúcháin reatha ón gCoimisiún.

Rud eile atá i gceist le hobair an Choimisiúin is ea reachtaíocht a dhéanamh níos inrochtana don phobal. Táirgeann an Coimisiún roinnt táirgí a bhaineann le rochtain ar reachtaíocht, lena n-áirítear an tEolaire Reachtaíochta, Achtanna Athbhreithnithe agus an Liosta Aicmithe de hActanna atá i bhFeidhm.

Léigh tuilleadh faoinár dtionscadail reatha Comhairliúcháin reatha Rochtain ar Reachtaíocht

Mearnaisc

An Liosta Aicmithe den Reachtaíocht atá i bhFeidhm

Is é atá sa Liosta Aicmithe ná liosta inchuardaithe de na hAchtanna agus de na hionstraimí reachtúla atá i bhfeidhm, agus iad eagraithe faoi 36 cheannteideal ábhair.

Earcaíocht

Tá sé mar aidhm ag an gCoimisiún um Athchóiriú an Dlí timpeallacht oibre thairbheach dhúshlánach a sholáthar inar féidir le baill foirne a gcuid buanna a fhorbairt agus rannchuidiú leis an obair fhiúntach a dhéanaimid mar chuid dár misean um athchóiriú an dlí.

An Nuacht is Déanaí

Léigh an nuacht is déanaí uainn agus faigh tuilleadh faisnéise faoi na nithe atá ag tarlú sa Choimisiún um Athchóiriú an Dlí.