Cúlra
Ba mar thoradh ar an Tuarascáil a d’fhoilsigh an Coimisiún sa bhliain 2005 ar athchóiriú agus nuachóiriú an dlí talún agus tíolactha a achtaíodh an tAcht um Athchóiriú an Dlí Talún agus Tíolactha, 2009. Níor cuireadh seilbh chodarsna ar áireamh san Acht, áfach, toisc gur ghá tuilleadh breithniúcháin a dhéanamh uirthi tar éis rialú suntasach ón gCúirt Eorpach um Chearta an Duine.
Tionscadal
Dírítear ar an méid seo a leanas sa tionscadal:
- Seilbh Chodarsna: Cé gur moladh athchóirithe i dTuarascáil 2005 agus sa dréacht-Bhille, fágadh na hathchóirithe sin ar lár ó Acht 2009 go dtí go ndéanfadh Mór-Dhlísheomra na Cúirte Eorpaí um Chearta an Duine athbhreithniú ar an gcinneadh i gcás JA Pye (Oxford) Ltd v An Ríocht Aontaithe. Athscrúdófar an réimse sin sa tionscadal, agus aird á tabhairt ar an anailís a rinne an Coimisiún roimhe seo agus ar na forbairtí a thit amach ó chás Pye i leith.
Na chéad chéimeanna eile
Déanfaidh an Coimisiún athbhreithniú ar na himpleachtaí bunreachtúla agus ar na himpleachtaí ó thaobh chearta an duine de, agus rachaidh sé i gcomhairle maidir le tograí le haghaidh an dlí um sheilbh chodarsna a athchóiriú.
Doiciméid
Cuirfear nuashonruithe leis ag dáta níos déanaí.
An tEolas is Deireanaí
Cuirfear nuashonruithe leis ag dáta níos déanaí.